- O documental trata de facer máis visible unha industria que produce o segundo recurso máis consumido do mundo e que dá emprego a 2.800 galegos.
- A industria dos áridos ocupa un lugar destacado en Meis, onde dúas canteiras producen este recurso fundamental para a construción.
A Asociación Galega de Áridos (Arigal) proxecta o seu documental Que sabes dos áridos? en colaboración co concello de Meis.
A proxección acompañarase dun coloquio posterior no que participarán Marta Giráldez, alcaldesa de Meis, traballadores das canteiras e membros da Comunidade de Montes Santa María de Paradela (Meis); onde se tratará o futuro da industria e a súa integración na contorna rural galega.
O obxectivo do documental é mostrar a realidade do sector dos áridos, que proporciona á sociedade o segundo recurso máis consumido a nivel mundial só por detrás da auga, e que supón a fixación de emprego (2.800 postos de traballo en 2018) e o desenvolvemento en zonas rurais de Galicia cunha produción anual de 48 millóns de euros. Trátase ademais dunha industria en pleno proceso de expansión que nos últimos anos conseguiu posicionar estes produtos galegos en mercados internacionais.
Tras un ano de investigación para valorar o coñecemento que ten a sociedade galega sobre os áridos, Arigal realizou entrevistas a persoas alleas do sector e a axentes sociais coñecedores da actividade para gravar este documental en 2018, e así afondar nesta industria e no seu papel no desenvolvemento.
CONVOCATORIA
• Data: 14 de novembro
• Hora de inicio: 20:00 horas
• Lugar: Auditorio Multiusos