ESTUDO DO IMPACTO DA COVID-19 NO PRIMEIRO TRIMESTRE DO 2021, NO SECTOR DOS ÁRIDOS
Informe de resultados novena enquisa de evolución do sector dos áridos, a nivel nacional e a nivel autonómico que recolle as opinións de 161empresas, sobre a situación do sector no primeiro trimestre do 2021.
Os principais resultados son os seguintes:
-
Representatividade similar ás anteriores (161 respostas)
-
Primeiro crecemento da actividade media, aínda moi leve: +0,81%.
- O 64,4% das empresas produciu máis.
- Preocupa o 21,2% de empresas cuxa actividade segue retrocedendo e que seguen recortando emprego.
-
O nivel de ofertas segue baixo, pero mellorou no período.
-
A importancia dos problemas derivados da pandemia redúcese de forma moi importante.
-
Os ERTE en vigor son xa moi escasos.
-
En xezral, as empresas móstranse máis optimistas.
-
O 44,9% considera que a situación mellorará (fronte ao 18,1% que o pensaba en xaneiro), o 33,3% que se manterá igual (fronte ao 22,7%) e o 20,3% que irá a peor (fronte ao 43,4%).
Máis en detalle:
Saúde
-
A incidencia da Covid-19 entre traballadores baixa pero segue a niveis altos (20% de empresas con casos), moi superiores aos do momento de confinamento, en consonancia coa maior capacidade de diagnose e coa expansión da enfermidade nese momento.
-
Desafortunadamente, o número de empresas con algún traballador contaxiado que orixinou contagios internos entre traballadores é do 7,1% destas (1,4% do total de empresas).
-
A porcentaxe das empresas onde os traballadores de risco (segundo o Ministerio de Sanidade) están a poder acudir ao posto de traballo por decisións do Servizo de Prevención, está estancado en niveis do 94%.
Actividade media
- Desde o inicio da pandemia, por primeira vez rexístrase un crecemento de actividade media, moi leve aínda, do +0,81%, o mellor dato da serie.
- Mellor dato da serie, desde o inicio da pandemia, co 100,81% de actividade.
- A curva de distribución mostra un groso de empresas (78,8%) cuxa actividade estivo igual ou creceu.
- Preocupa o 21,2% de empresas cuxa actividade segue retrocedendo.
- O 64,4% das empresas produciu máis.
-
En xeral o perfil é moito mellor que nas enquisas anteriores, cunha mellora xeneralizada, é dicir que as estimacións anteriores víronse superadas polos datos reais.
-
Redúcense considerablemente as diferenzas por franxas de produción, con menos de 8 pp de diferenza. O mellor comportamento móstrase entre as empresas de produción entre 200.000 e 300.000 toneladas (105,93%) mentres que o peor rexístrase nas empresas de menos de 100.000 t (77,52%).
-
O % de actividade declarado, ponderado por produción, é do 101,90%, dato case idéntico ao dato obtido sen ponderación.
Facturación
-
As empresas declaran que a súa facturación creceu no I trimestre de 2021 un imperceptible pero esperanzador +0,33% de media.
-
Prodúcese unha melloría de respecto ao dato estimado en 2020 de case 16 pp.
Ofertas
-
Aínda que a situación evolucionou positivamente desde a enquisa anterior, co mellor dato da serie, aínda require dunha drástica mellora e estase lonxe da situación de normalidade.
-
O nivel de novas ofertas segue moi baixo (5,22/10), mellorando ata o -42% por baixo do normal, o que segue augurando un parón diferido da actividade, se non se adoptan medidas dinamizadoras da construción.
Procesos afectados e problemas
-
A xestión de persoas foi a área máis afectada no I trimestre, seguida da estratexia comercial, a comunicación con clientes, empregados e provedores, os impagados e os cocientes de liquidez, aínda que xa están a un nivel de afectación moi baixo.
-
A continuidade do negocio, o cumprimento de contratos e a subministración a clientes son as áreas menos afectadas.
-
Os problemas derivados da COVID-19 van reducindo a súa importancia, cun nivel medio de pouco importante.
-
Destaca a incertidume como o problema máis importante.
-
Seguen en importancia, pero moito menos grave, a perda de cualificación crediticia de clientes, o anuncio de aprazamentos de pagos por clientes e emerxe como problema a falta de subministracións e repostos, pero todos eles seguen evolucionando positivamente.
-
Repunta en importancia a falta de transportistas, aínda que cun impacto baixo.
-
O resto de problemas deixa de ser relevantes.
-
Desde o inicio da crise, todos os problemas melloraron, excepto a falta de transportistas, que empeorou. O desabastecemento de EPIs, a dificultade para acollerse a ERTEs e a paralización das obras son os que máis melloran.
-
No primeiro trimestre empeoran a dispoñibilidade de repostos, a coordinación de horarios entre as canteiras e as obras, os traballadores e directivos con síntomas de COVID-19 e os incidentes por cuestións de mobilidade.
-
En media, as empresas consideran que os seus problemas seguen diminuíndo en importancia (-47%), apuntando a unha progresiva normalización da actividade.
Emprego
-
No 13% dos casos, as empresas declararon que os seus persoais diminuíron no I trimestre de 2021, o que representa unha mellora de 3 pp respecto a a estimación previa.
-
Pola contra, o 11% das empresas ha visto que o seu persoal creceu e o 76% mantena igual.
-
Desde o inicio, a situación mellorou en preto de 44 pp.
-
O 1% das empresas declara recorrer ao ERTE no I trimestre de 2021. Non están previstos no 99% dos casos.
-
Unicamente o 5% das empresas que o solicitou teno vixente nestes momentos.
-
É dicir que, sobre o total de empresas do sector, só o 1,4% teñen vixente un ERTE actualmente.
Viabilidade
-
No 60% dos casos, as empresas non ven comprometida a súa viabilidade. O 6,0% (o mesmo dato que na enquisa anterior) si e o 28% non o sabe.
-
Desde o inicio, a situación mellorou en preto de 32 pp.
Concursos de acredores
-
No I trimestre de 2021, as perspectivas son máis optimistas que na enquisa anterior. O 89% non considera que deba recorrer ao concurso de acredores, o 11% non o sabe e ningunha considera que deberá facelo.
-
Desde o inicio, a situación mellorou en máis de 26 pp.
Préstamos ICO
-
O 41% das empresas declara recorrer a créditos ICO, pero mentres que o 97% das que o solicitaron puidérono obter, o 3% víronse rexeitadas.
-
O 57% non recorreu a eles.
Evolución da situación en 2021
-
O 44,9% considera que a situación mellorará (fronte ao 18,1% que o pensaba en xaneiro), o 33,3% que se manterá igual (fronte ao 22,7%) e o 20,3% que irá a peor (fronte ao 43,4%).
-
O índice de confianza sobe de 1,78/5 (peor) a 3,1/5 (mellor).
ENERXÍA E MINAS Necesitamos enxeñeiros/as en enerxía e recursos minerais
LER MAIS: ENLACE Ó FARO DE VIGO
OS MINEIROS DE TOURO - O PINO INTÉGRANSE NA PLATAFORMA POLA FORMACIÓN PROFESIONAL PROMOVIDA POR ARIGAL
O pasado 2 de xuño a Asociación Galega de Áridos reuniuse coa Asociación de Traballadores Mineiros Touro - O Pino para asinar un convenio para a integración da Asoc. Mineiros Touro na plataforma pola formación profesional no eido mineiro que promove Arigal.
A Asociación de Traballadores Mineiros Touro - O Pino traballa fundamentalmente para promover a industria na súa comarca, na que a mineira ten unha fundada base territorial, contribuíndo ó desenrolo económico e social sostible, defendendo o traballo no sector mineiro e primando a sustentabilidade e compatibilidade sociolóxica e medioambiental da minería con outros sectores primarios da economía da zona, e de Galicia no seu conxunto, baixo un marco nacional e internacional.
Ante o declive demográfico do rural galego ámbalas entidades poñen de manifesto a necesidade de promover un desenrolo económico, baseado na explotación de tódolos recursos naturais agrícolas, gandeiros, forestais e do subsolo e complementado pola creación de industrias que engadan valor económico aos nosos recursos.
Este desenrolo ten que facerse seguindo estrictos criterios de sustentabilidade medioambiental, social e económicos, de xeito que sirva para crear postos de traballo estables e asentar poboación nos concellos de Touro e O Pino e en todo o rural galego.
Pero para que este desenrolo sexa posible, un pilar fundamental é a formación profesional dos traballadores; e por elo, Arigal está promovendo unha plataforma para impulsar a implantación en Galicia do ciclo de sondeos e operacións mineiras en réxime de formación profesional dual.
A plataforma conta co apoio das mais importantes empresas de áridos de Galicia así como compañías de sondeos, excavacións, constructoras e operadoras portuarias, ás que agora se une a Asociación de Mineiros de Touro – O Pino.
ERIMSA POTENCIA A INNOVACIÓN DO SECTOR MINEIRO COA LIÑA DE AREAS SILÍCEAS Q- SAND PARA MÚLTIPLES APLICACIÓNS
A compañía satisfai a demanda da industria química e da construción, entre outros sectores, cunha liña de produtos que se caracteriza pola súa versatilidade e elevada calidade
Erimsa, que avoga por unha minería moderna e sostible, continúa apostando pola innovación para dar un novo impulso a un sector xerador de riqueza, fundamental para o desenvolvemento socioeconómico de Galicia e de todo o territorio nacional. A compañía ampliou a súa gama de areas silíceas con Q- Sand, que ten múltiples aplicacións e está especialmente enfocada á fabricación de morteiros e pinturas, abrasivos, fundición e ferroaleaciones, entre outros.
A empresa comercializou en 2020 máis de 25.000 toneladas de areas especiais, esenciais para a construción de infraestruturas básicas, como vivendas, estradas ou hospitais. Os áridos son a segunda materia prima máis utilizada despois da auga. A previsión do mercado é un incremento potencial da demanda por parte de diferentes sectores.
A versatilidade da gama Q- Sand fai que o seu uso sexa tamén de gran eficacia en pavimentos especiais, superficies deportivas, tanto de céspede natural como artificial e xardinería, abrasivos industriais, prefabricados… Tamén se emprega para mellorar o funcionamento dos filtros e sistemas de depuración.
Erimsa utiliza procesos innovadores para asegurar a sustentabilidade económica e ambiental na produción destes materiais, para o que emprega como materia primeira cuarzo seleccionado, libre de materia orgánica e impurezas, fornecendo unha area de elevada calidade, totalmente seca, garantindo continuidade e estabilidade nas condicións físicas e químicas dos produtos. Así mesmo, os cortes granulométricos son moi precisos, mesmo por baixo de 1 mm.
A empresa aposta por outorgar valor engadido coa práctica da súa actividade empresarial. Q- Sand é o resultado do seu empeño por avanzar no desenvolvemento de produtos que contribúan á modernización do catálogo de produtos da empresa e que acheguen solucións a outros sectores.
Esta liña de areas silíceas únese ao primeiro lanzamento levado a cabo por Erimsa. Despois de anos de estudos, en 2015, o departamento de I+D+i desenvolveu as areas Q- Bed, avaladas por veterinarios para utilizar como camas para vacas. Na actualidade, lidera o mercado con este produto que incide nun mellor benestar animal ao proporcionar maior calidade do repouso ás reses.
A compañía ten no mercado outras gamas de áridos para diferentes aplicacións. Q-Golf aconséllase para a construción e o mantemento dos campos de golf, e Q-Play é a liña apropiada para mellorar as superficies das instalacións deportivas.
Erimsa, que conta con catro centros de produción en Galicia e Castela e León, comercializa as areas Q- Sand desde A Estrada (Pontevedra) a granel ou envasadas en big- bag. Dispón dun eficiente sistema loxístico para a súa distribución.
More...
SOBRE ARIGAL
A Asociación Galega de Áridos (Arigal) é unha organización empresarial galega integrada por máis de 73 empresas que desevolven a súa actividade nas distintas áreas do sector dos áridos: industria, fabricación, tratamento e distribución. En total, as firmas asociadas operan en 75 centros de actividade e xeran arredor de 3.600 postos de traballo, entre empregos directos e indirectos. No exercicio de 2022 os asociados de Arigal sumaron unha cifra de negocio conxunta de 46,5 millóns de euros.
Mapa web
Boletín informativo
Súmate aos centos de persoas que reciben o noso boletín informativo Arigal Novas enviándonos un correo electrónico coa túa solicitude ao seguinte enderezo: info@arigal.gal